ԲԻԶՆԵՍ ԵՎ ԿՐԹՈՒԹՅՈՒՆ ԳՈՐԾԸՆԿԵՐՈՒԹՅՈՒՆ ՀԻՄՆԱԴՐԱՄ

ФОНД ПАРТНЕРСТВО БИЗНЕСА И ОБРАЗОВАНИЯ

BUSINESS AND EDUCATION PARTNERSHIP FOUNDATION

Մեր մասին

«Բիզնես և կրթություն գործընկերություն» հիմնադրամ

Յուրաքանչյուր զարգացող երկրի սոցիալական և տնտեսական զարգացման գործընթացների ապահովման երաշխիքներից է որակյալ կրթական համակարգի առկայությունը: Միջին մասնագիտական կրթության ոլորտը հանդիսանում է ՀՀ հանրակրթական համակարգի անբաժան և կարևոր մաս, որն ուղղված է հայաստանյան աշխատաշուկայում երիտասարդների մրցունակության բարձրացմանն ու զբաղվածության ապահովմանը: Միաժամանակ, մասնագիտական կրթությունն ուղղված է սերունդների պատմական ժառանգության պահպանմանը, ազգային մշակույթի և ավանդույթների տարածմանն ու զարգացմանը: «Բիզնես և կրթություն գործընկերություն» հիմնադրամը (այսուհետ՝ Հիմնադրամ) ոչ առևտրային կազմակերպություն է, որի գործունեությունն ուղղված է Հայաստանում կրթության ոլորտի զարգացմանբ ու բարելավմանն ուղղված ծրագրերի իրականացմանը, ինչպես նաև մասնագիտական կրթության համապատասխանեցմանը աշխատաշուկայի պահանջներին: Վերը նշված նպատակներն իրագործելու համար Հիմնադրամը համատեղ ծրագրեր և բազմաթիվ միջոցառումներ է իրականացնում, համագործակցելով տեղական և միջազգային մի շարք կազմակերպությունների հետ: 2018 թվականից ի վեր Հիմնադրամի կողմից իրականացվող գործունեությունն ուղղված է ՀՀ կրթական համակարգի շարունակական զարգացմանն ու արդյունավետության բարձրացմանն աջակցմանը, առաջադեմ միջազգային փորձի վրա հիմնված նորարարական կրթական մոդելների և մեխանիզմների մշակմանն ու ներդրմանը, ինչպես նաև մասնագիտական ուսուցման արդյունքահեն գործընթացին նպաստելու ապահովմանը: Զարգացման նշված գործընթացների իրագործումն անհնարին կլիներ առանց մեր գործընկերների՝ պետական կառույցների, հասարակական, միջազգային և օտարերկյա կազմակերպությունների, տեղական ինքնակառավարման մարմինների, գործարարների, ՄԿՈՒ հաստատությունների, որոնց հետ Հիմնադրամը նախատեսում է ընդլայնել համագործակցության շրջանակները:

Մեր նպատակները

«Բիզնես և կրթություն գործընկերություն» հիմնադրամ

Գործարարների և կրթական հաստատությունների միջև համագործակցության ձևավորումն ու խթանումը,

Կրթական համակարգում գործարար հատվածի ներգրավվածության խրախուսումը,

Կրթական հաստատությունից դեպի աշխատաշուկա անցման նախապատրաստման կազմակերպումը,

Երիտասարդների (ուսանողների/դպրոցականների) մասնագիտական կողմնորոշմանն ու դեպի աշխատաշուկա ուղղորդմանն աջակցությունը,

Իրականացնել ծրագրեր ուղղված կարիերայի կողմնորոշմանը, մասնագիտական կրթության կատարելագործմանը

.Ստեղծել համապետական և տարածաշրջանային համագործակցություն դպրոցների, կազմակերպությունների, գործատուների, աշխատանքի տեղավորման գործակալությունների, բարձրագույն ուսումնական հաստատությունների, նախարարությունների և այլ գործընկերների միջև

Զարգացնել դեռահասների միջին մասնագիտական և բարձրագույն կրթության ունակությունները

Մշակել հայեցակարգեր, ռազմավարություններ և լուծումներ արդի մարտահրավերների պայմաններում դպրոցի ու տնտեսության միջև կամուրջներ ձևավորելու, ինչպես նաև մասնագիտական կողմնորոշման, մասնագիտական կրթության որակի ապահովման համար

Ծրագրի շրջանակներում սահմանված են 4 հիմնական ուղղություններ․

«Բիզնես և կրթություն գործընկերություն» հիմնադրամ

ՎԵՐԼՈՒԾՈՒԹՅՈՒՆ ԱՇԽԱՏԱՇՈՒԿԱՅԻ ԻՐԱՎԻՃԱԿԻ
ՁԵՌՆԱՐԿՈՒԹՅՈՒՆԸ ՈՐՊԵՍ ՈՒՍՈՒՑՄԱՆ ՎԱՅՐ
ԴՊՐՈՑԸ ՈՐՊԵՍ ՈՒՍՈՒՑՄԱՆ ՎԱՅՐ
ՓՈՐՁԻ ՓՈԽԱՆԱԿՈՒՄ ԱՐԴՅՈՒՆՔՆԵՐԸ ԵՎ ՓՈՐՁԻ ՆԵՐԿԱՅԱՑՈՒՄ

ԱՇԽԱՏԱՇՈՒԿԱՅԻ ԻՐԱՎԻՃԱԿԻ ՎԵՐԼՈՒԾՈՒԹՅՈՒՆ/ՄՈՆԻԹՈՐԻՆԳ

Ստեղծվել է աշխատաշուկայի ուսումնասիրության և վերլուծության էլեկտրոնային հարթակ՝ վեբ կայք` «Աշխատաշուկայի իրավիճակի վերլուծություն-մոնիտորինգ», որը հնարավորություն է ընձեռում արդյունավետ համագործակցելու ՄԿՈւ հաստատություններին և ձեռնարկություններին, տեղեկատվություն տրամադելով աշխատաշուկայում պահանջված մասնագիտությունների, թափուր աշխատատեղերի, մասնավոր ընկերություններում պրակտիկայի տեղերի տրամադրման, ուսանողների կամ պրակտիկանտների, աշխատանք փնտրող մասնագետների վերաբերյալ և այլն: Այս ուղղությամբ ծրագիրը համախմբել է ծրագրով ընտրված տնտեսության 7 ոլորտների՝ տեղեկատվական տեխնոլոգիաներ, սնունդ, տուրիզմ և սպասարկում/ծառայություններ, թեթև արդյունաբերություն/տեքստիլ, գյուղատնտեսւոյթւոն, շինարարություն, առավել ակտիվ ընկերությունների, որոնք իրենց ներդրումն են ունենում ծրագրի հաջող ընթացքի և նպատակի իրականացման համար: Մշակված համապատասխան հարցաշարի միջոցով տարին մեկ անգամ կատարվում է աշխատաշուկայի ուսումնասիրություն՝ բացահայտելու աշխատաշուկայի կարիքներն ու պահանջները մասնագիտական կադրերի և ՄԿՈւ հաստատությունների նկատմամբ: 2019 և 2020թթ․ կատարվել է ծրագրով ընտրված 7 ոլորտների 135 և 151 կազմակերպությունների հարցումներ: Հարցումների վերլուծության արդյունքում մեզ պարզ դարձավ նշված ոլորտներում գործատուների կողմից անհրաժեշտ մասնագիտական կադրերի պակասը (խոհարար, տակառագործ, տեղեկատվական տեխնոլոգիաների, տուրզմի և սպասարկման ոլորտի տարբեր մասնագետներ և այլն), ինչ էլ հնարավորություն ստեղծեց ծրագրի երկրորդ ուղղության միջոցառումների ստեղծման և իրականացման համար: Մոնիտորինգի Համակարգի դերն ու նշանակությունը՝ -աջակցում է գործատուներին և ՄԿՈւ հաստատություններին՝ աշխատաշուկայի կարիքների և պահանջների, ինչպես նաև մասնագիտական կադրերի տեսական և գործնական գիտելիքների անհամապատասխանելիության, պրակտիկայի տեղերի տրամադրման, մասնագիտական թափուր աշխատատեղերի բացահայտմանը, -նպաստում է գործատուների ներգրավմանը ՄԿՈւ ծրագրերի և չափորոշիչների մշակման գործում՝ աշխատաշուկայում մասնագիտությունների և մասնագիտական կադրերի նկատմամբ ստեղծված պահանջարկի առկա բացը նվազագույնի հասցնելու համար, -կազմակերպություններում ստեղծելու համապատասխան պրակտիկայի վայրեր՝ ՄԿՈւ հաստատությունների ուսանողների գործնական դասընթացները կազմակերպելու ընկերություններում գերմանական դուալ համակարգի օրինակով, -երիտասարդ մասնագետներին գործնական հիմնարար գիտելիքներով և հմտություններով ուղղորդելու դեպի մասնագիտական աշխատաշուկա:

ՁԵՌՆԱՐԿՈՒԹՅՈՒՆԸ` ՈՐՊԵՍ ՈՒՍՈՒՑՄԱՆ ՎԱՅՐ

Ուղղության նպատակն է ՄԿՈւ հաստատությունների ուսանողների գործնական դասընթացների կամ պրակտիկաների կազմակերպումը ձեռնարկություններում՝ գերմանական դուալ համակարգի օրինակով։ Ծրագրի կողմից մշակվել է «Ձեռնարկությունը որպես ուսուցման վայր» ուղղության իրականացման համապատասխան ծրագիր (հայեցակարգ), որի հիման վրա մշակվել են կազմակերպություններում համապատասխան միջոցառումների ներդրման և իրականացման ծրագրեր: Ստեղծվել են աշակերտների և ուսուցիչների գոհունակության գնահատման հարցաշարեր՝ միջոցառման անցկացման վերաբերյալ: «ԽՈՀԱՐԱՐԱԿԱՆ ՄՐՑՈՒՅԹ» ՄԻՋՈՑԱՌՈՒՄ։ Առաջին փուլը անկացվել է Երևանում, Արիես Քեյթրինգ ՍՊԸ- ում ( 3 սննդի մասնաճյուղեր), երկրորդ փուլը ՝ Արթ Լանչ ՍՊԸ-ի Օլիմպավան համալիրի մասնաճյուղում (38-ից ավել մասնաճյուղեր)։ Մասնակցել են 7 քոլեջների 40 ուսանողներ, տնօրեններ, վարպետ-ուսուցիչներ, ծրագրի ներկայացուցիչներ: Միջոցառմանն իր աջակցությունը ցուցաբերեց ծրագրի գործընկեր ՀՀ ԿԳ նախարարությունը: Մասնակից ՄԿՈւ հաստատություններն են․ Վայոց ձորի տարածաշրջանային պետական քոլեջ, Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ, Երևանի №1 արհեստագործական պետական ուսումնարան, Երևանի №4 արհեստագործական պետական ուսումնարան, Երևանի տարածաշրջանային թիվ 1 պետական քոլեջ (ՊՈԱԿ), Երևանի թիվ 6 արհեստագործական պետական ուսումնարան (ՊՈԱԿ), Ֆրանս-հայկական մասնագիտական ուսումնական կենտրոն հիմնադրամ Հաղթող թիմերի ուսանողները ստացան գլխավոր մրցանակը 2 շաբաթից 1 ամիս «Արիես լանչ» ՍՊԸ և «Արթ Լանչ» ՍՊԸ ճաշարանների ցանցում պրակտիկայի անցկացում («Արիես լանչ»-ի Ամերիկյան համալսարանի մասնաճյուղում, «Արթ լանչ»-ի Օլիմպավան համալիրի մասնաճյուղում, Օլիմպավան համալիրում անվճար մարզվելու և սնվելու, հանգստի հնարավորություն Ծաղկաձորում: Ինչպես նաև մյուս թիմերը խրախուսվեցին մրցանակներով՝ 1 շաբաթ «Արիես Լանչ» և «Արթ Լանչ» ընկերության ճաշարանների ճաշացանկում ուսանողների կողմից պատրաստված ամենահամեղ սննդի բաղադրատոմսի ընդգրկում և վաճառք, ինչպես նաև ուսումնարանը ներկայացնող հատուկ ցուցանակի և հեղինակ-ուսանողների նկարի տեղադրում «Արիես Լանչ» ՍՊԸ-ի ճաշարանի սրահում: Բազմաթիվ մրցանակների կողքին երկու միջոցառումների արդյունքում շուրջ 10 ուսանողներ ստացան աշխատանքի հրավեր, որը և ՄԿՈՒ-համագործակցություն ծրագրի գլխավոր նպատակներից մեկն է: Գերմանական ՄԿՈւ–համագործակցություն ծրագիրը երկրորդ փուլին մասնակցած թվով 7 ուսանողների և 1 վարպետ-ուսուցչի հնարավորություն ընձեռեց մեկ շաբաթ խոհարարական պրակտիկա անցկացնել Լեհաստանում ՝ Սկեռնևիցե մարզի Մասնագիտական քոլեջում։ Արդյունքում մեր ուսանողներն ունեցան փորձի և գիտելիքների փոխանակում, ներկայացրեցին հայկական խոհանոցն ու ճաշատեսակաները, սովորեցին հաղորդակցվել հասակակիցների հետ խոհարարկան «լեզվով»։ Հայկական խմբին սիրով հյուընկալեց նաև Հայաստանի դեսպանը Լեհաստանում և առաջարկեց ամեն տարի կազմակերպել փոխադարձ այցելություններ երկու երկրների ՄԿՈւ հաստատությունների ուսանողների համար։ Դեսպանը խոստացավ կազմակերպել հայկական ճաշատեսակաների պատրասման և հյուրընկալության օրեր հենց Սկեռնևիցեի քոլեջում։ Ստորագրվեց փոխհամաձայնության հուշագիր գերմանական ՄԿՈւ-համագործակցություն ծրագրի և Սկեռնևիցի քոլեջի միջև։

ԴՊՐՈՑԸ` ՈՐՊԵՍ ՈՒՍՈՒՑՄԱՆ ՎԱՅՐ

Երրորդ ուղղությունը նպատակ ունի հաստատել համագործակցություն կրթական հաստատությունների և կազմակերպությունների՝ բիզնեսի, միջև ուսուցումն իրականացնելով հենց ուսումնական հաստատությունում։ Այլ կերպ ասած՝ այս ուղղությունով աշխատանքները նպատակ ունեն հարստացնել և կատարելագործել առկա կրթական ծրագրերը դպրոցներում և քոլեջներում՝ գործածելով դրանք ավելի կիրառական, արդյունավետ և մասնագիտական կարիերայի իմաստով՝ խոստումնալից։ Ուղղությունը կարելի է բաժանել երկու մասի՝ Ուսանողների շրջանում տեխնիկական մտածելակերպի զարգացում Ուսանողների շրջանում ձեռնարկատիրական մտածելակերպի զարգացում Միջոցառումներն են. Կազմակերպվել են հրուշակագործության վարպետաց դասեր աշակերտների և ծնողների համար։ Կազմակերպվել են վարսահարդարման վարպետաց դասեր աշակերտների և ծնողների համար։ Իրականացվել են մասնագիտական կողմնորոշման միջոցառումներ աշակերտների համար Երևանում և ՀՀ մարզերում։ Կազմակերպվել է ճանաչողական այց ոլորտային արտադրության ընկերություններ «Զրույց մասնագիտության մասին» միջոցառման շրջանակներում։ Կազմակերպվել է անիմացիոն ֆիլմերի մրցույթ ՄԿՈՒ հաստատությունների ուսանողների և հանրակրթական դպրոցների աշակերտների ներգրավմամբ՝ «Միջին մասնագիտական կրթության կարևորության իմ տեսակետը» թեմայով։ Մշակվել և իրագործվել է «Պատմամշակութային հուշարձանների քարտեզագրում» ծրագիր ՀՀ Վայոց Ձորի մարզում։ Կազմակերպվել է հայ և լեհ ուսանողների միջև փորձի փոխանակման միջոցառում Լեհաստանի Սկիերնևիցե քոլեջներից մեկում՝ «Խոհարարություն» և «Գյուղատնտեսություն» մասնագիտություններով: Կազմակերպվել է գործնական դասընթաց (մրցույթ) «Զբոսաշրջություն» մասնագիտությունն ուսամնասիրող ուսանողների համար՝ դուալ կրթական ծրագրի սկզբունքների կիրառմամբ։ Կազմակերպվել է տակառագործության դասընթաց ՀՀ Վայոց Ձորի մարզում գործող ընկերությունում՝ դուալ կրթական սկզբունքների կիրառմամբ։

ԾՐԱԳՐԻ ԱՐԴՅՈՒՆՔՆԵՐԸ ԵՎ ՀԱՋՈՂՎԱԾ ՓՈՐՁԻ ՆԵՐԿԱՅԱՑՈՒՄ/ՓՈԽԱՆԱԿՈՒՄ

ԾՐԱԳՐԻ ԱՐԴՅՈՒՆՔՆԵՐԸ ԵՎ ՀԱՋՈՂՎԱԾ ՓՈՐՁԻ ՆԵՐԿԱՅԱՑՈՒՄ /ՓՈԽԱՆԱԿՈՒՄ Այս ուղղության նպատակն է. ներկայացնել Ծրագրի շրջանակներում կատարված աշխատանքների արդյունքներն ու ձեռքբերումները՝ տարածելով Հայաստանում տվյալ ծրագրի իրագործման արդյունքում քաղած դասերն ու հաջողված փորձը բոլոր շահագրգիռ կողմերի և շահեկիցների, ինչպես նաև գործընկեր երկրների հետ։

Ուսումնական հաստատություներ

Ընկերություններ

Վարպետներ

Մոնիտորինգի համակարգ

Աշխատատեղեր

Պրակտիկա

Հայաստանի Հանրապետության նախնական և միջին մասնագիտական ծրագրեր իրականացնող ուսումնական հաստատություններ

Նորություններ

Մեր հիմնադրամի վերջին նորոթյուները

Կարդալ ավելին

2022/08/30

Երևանի քաղաքապետարանի, «Բիզնես և կրթություն գործընկերություն» հիմնադրամի ու «Բիզնես և Կրթություն Ասոցիացիա» հասարակական կազմակերպության միջև ստորագրվել է եռակողմ հուշագիր:

Սույն թվականի օգոստոսի 25-ին Երևանի քաղաքապետարանի, «Բիզնես և Կրթություն Գործընկերություն» հիմնադրամի ու «Բիզնես և Կրթություն Ասոցիացիա» հասարակական կազմակերպության միջև ստորագրվել է եռակողմ հուշագիր:

Համագործակցությունը հնարավորություն կտա՝

Ստեղծել ու ձևավորել հիմնական և միջնակարգ դպրոցներում «Աշակերտական Ընկերություններ», որտեղ աշակերտները հիմնական դասաժամերից հետո կկարողանան իրենց գիտելիքներն ու հմտությունները գործնականում փորձարկել մասնագիտական նախընտրելի ուղղություններով,

Կարևորել գործարարական հմտությունները՝ հետագայում բիզնես ոլորտում գործունեություն ծավալելու համար,

Ընձեռել նախնական և միջին մասնագիտական կրթության հնարավորություն հիմնական և միջնակարգ դպրոցների աշակերտներին,

Խթանել պետություն-մասնավոր հատված երկխոսությանը,

Ձեռնարկել քայլեր կրթական հաստատությունների ուսումնամեթոդական և նյութատեխնիկական բազայի ամրապնդման,

Ձեռնարկել քայլեր աշխատաշուկայում կրթական հաստատությունների շրջանավարտների մրցունակության բարձրացման ու որակավորված մասնագետներով ապահովման ուղղությամբ:

by: Bep 2

Կարդալ ավելին

2022/08/12

Այց Լայպցիգի արհեստագործական պալատի ուսումնական կենտրոն

Սույն թվականի հուլիսի 21-29 Գերմանիայի Դաշնությունում իրականացվեց ճանաչողական այց «Բիզնես և Կրթություն Գործընկերություն» Հիմնադրամի և «Բիզնես և Կրթություն Ասոցիացիա» ՀԿ-ի կողմից իրականացվող գերմանական «Մասնագիտական կրթություն և ուսուցում (ՄԿՈՒ) – համագործակցություն Հարավային Կովկասում» ծրագրի շրջանակում:

Մասնակիցներն այցելել են Լայպցիգի արհեստագործական պալատի ուսումնական կենտրոն (Handwerkskammer zu Leipzig):

Այցի նպատակն էր ներկայացնել Արհեստագործական պալատի աշխատանքը և դերը Գերմանիայի նախնական մասնագիտական (արհեստագործական) և միջին մասնագիտական կրթության և մասնագիտական ուսուցման (ՄԿՈՒ) ոլորտում:

May be an image of 7 people, people standing and indoor

May be an image of 3 people, people standing and text that says '10 9 8 i 1 3 4. 5 BEA Business Partnership'

May be an image of 2 people, people standing and indoor

Արհեստագործական պալատի մասին՝

Լայպցիգի արհեստագործական պալատը ներառում է բոլոր արհեստագործական միությունները և հարակից հաստատությունները, որոնք աշխատում են արհեստագործների շահերից ելնելով: Ներկայումս Գերմանիայում 54 արհեստագործական պալատներ հանդիսանում են բոլոր գերմանացի արհեստագործների օրինական ներկայացուցչությունը:

by: Bep 2

Կարդալ ավելին

2022/08/10

Այց «G-A-R-A-G-E» Գերմանացի Ինժեներների Ասոցիացիա Պլագվիցում

Սույն թվականի հուլիսի 21-29 Գերմանիայի Դաշնությունում իրականացվեց ճանաչողական այց «Բիզնես և Կրթություն Գործընկերություն» Հիմնադրամի և «Բիզնես և Կրթություն Ասոցիացիա» ՀԿ-ի կողմից իրականացվող գերմանական «Մասնագիտական կրթություն և ուսուցում (ՄԿՈՒ) – համագործակցություն Հարավային Կովկասում» ծրագրի շրջանակում:

Возможно, это изображение 3 человека, люди сидят и в помещении

Возможно, это изображение 6 человек, люди стоят и в помещении

Возможно, это изображение 1 человек, экран и в помещении

Возможно, это изображение 3 человека, люди стоят и в помещении

Ճանաչողական այցի ընթացքում մասնակիցներն այցելել են «G-A-R-A-G-E» Գերմանացի Ինժեներների Ասոցիացիա Պլագվիցում:

Գերմանացի Ինժեներների Ասոցիացիան (VDI) ավելի քան 160 տարի ինժեներների հուսալի աջակիցն է: Կառույցն ապահովում է ինժիներների մասնագիտական բազան և պահպանում կենսունակ ցանց տարածաշրջանային, ազգային և միջազգային մակարդակներում:

Այցի ընթացքում մասնակիցները ծանոթացան կրթական հաստատություններում ասոցիացիաների գործունեության և դրանց դերակատարումների, ինչպես նաև Գերմանացի Ինժեներների Ասոցիացիայի կողմից ստեղծված կրթական հատատության գործունեության հետ:

by: Bep 2

Կարդալ ավելին