info@bep.am   (+374) 11528112

 Նորություններ

 Գլխավոր / Նորություններ
2022/05/05

Աշխատաժողով՝ «Կրթության տեսչական մարմին – կրթական հաստատություններ երկխոսություն» խորագրով:

Սույն թվականի փետրվարի 23-ին, «Բիզնես և կրթություն գործընկերություն» հիմնադրամի և ՀՀ Կրթության տեսչական մարմնի հետ համատեղ աշխատանքի արդյունքում կայացավ «Կրթության տեսչական մարմին – կրթական հաստատություններ երկխոսություն» խորագրով աշխատաժողովը:
Նպատակն է՝ շահարգիռ կողմերի միջև խթանել սոցիալական երկխոսությունը, վեր հանել այն մարտահրավերները, որոնք առաջ են գալիս աշխատանքի վրա հիմնված (դուալ) ուսուցում և «Աշակերտական/Ուսանողական Ընկերությունների» գործունեությունն իրականացնելիս, ինչպես նաև՝ կառավարման խորհրդներին առնչվող հարցեր, քննարկել՝ կառավարման համակարգին և մանկավարժներին ներկայացվող պահանջները:
Աշխատաժողովին ներկայացվեցին նաև Կրթության տեսչական մարմնի վերահսկողության արդյունքները. հայտնաբերված խնդիրներն ու արձանագրված ձեռքբերումները (2019-2021 թվականներին)։
by: Bep 0
2022/02/24

Վերապատրաստման դասընթաց՝ «Աշխատանքի անվտանգություն և Առողջություն» թեմայով:

«Բիզնես և կրթություն - գործընկերություն» հիմնադրամը «Մասնագիտական կրթություն և ուսուցում - համագործակցություն» («ՄԿՈւ - համագործակցություն») ծրագրի շրջանակներում 2022 թվականի հունվարի 18-ից 21-ը իրականացրեց ՄԿՈւ հաստատությունների տնօրենների և գործատուների վերապատրաստման դասընթաց՝ «Աշխատանքի անվտանգություն և Առողջություն» թեմայով:
 
Նպատակներից է՝ ծրագրի ընթացքում ստացած գիտելիքների կիրառումը կրթական հաստատություններում և ձեռնարկություններում աշխատանքի անվտանգության և առողջության ապահովման կրթական գործընթացի բարելավումը՝ համագործակցելով գործատուների հետ և ներգրավելով նրանց կրթական ծրագրերի մշակման գործընթացին, արդյունքում՝ համապատասխանեցնելով կրթական հաստատություններում ստացած գիտելիքներն ու ունակությունները ձեռնարկություններում առկա և պահանջվող աշխատանքային պայմաններին:
 
Վերապատրաստման շրջանակներում մասնակիցներն այցելեցին «Դառգետ» գործարան, որտեղ նրանք ծանոթացան գարեջրի պատրաստման տեխնոլոգիաների ընդհանուր գործընթացին, ինչպես նաև աշխատավայրում անվտանգության և առողջության պահպանման կանոններին։
 
 
Դասընթացը վարեց Գերմանիայի Դաշնության (ԳԴ) փորձագետ պարոն Բարթելսը, վերապատրաստմանը մասնակցել է նաև ԳԴ Ծրագրի ղեկավար տիկին Ֆոկը:
by: Bep 0
2022/02/24

Վերապատրաստողների վերապատրաստում

«Կրթության զարգացման և նորարարությունների ազգային կենտրոն» հիմնադրամի Մասնագիտական կրթության և ուսուցման զարգացման ազգային կենտրոնի (ՄԿՈՒԶԱԿ) ու «Բիզնես և կրթություն գործընկերություն» (ԲԿԳ) հիմնադրամի համագործակցությամբ՝ գերմանական Մասնագիտական կրթություն և ուսուցում (ՄԿՈւ)-համագործակցություն Հարավային Կովկասում» ծրագրի շրջանակում իրականացված փորձի հիման վրա անցկացվել են վերապատրաստման դասընթացներ` 2021թ. հոկտեմբերի 12-ից 14-ը Շիրակի մարզի քաղաք Գյումրիում և հոկտեմբերի 18-ից 28-ը՝ Երևանում։
 
Թիրախային խմբեր են հանդիսացել նախնական մասնագիտական (արհեստագործական) և միջին մասնագիտական պետական ուսումնական հաստատությունների կառավարման խորհրդի անդամները և ԿԳՄՍՆ աշխատակազմի և առանձնացված ստորաբաժանումների, ՄԿՈՒԶԱԿ-ի, ՄԿՈՒ համակարգին առնչվող աշխատակիցները (ՄԿՈՒԶԱԿ և նախարարություն)։
by: Bep 0
2022/02/24

Արծաթյա զարդերի պատրաստման վարպետաց դաս

Սույն թվականի հոկտեմբերի 15-ին, «Բիզնես և Կրթություն Գործընկերություն» հիմնադրամը (ԲԿԳ) Գերմանական «Մասնագիտական Կրթություն և Ուսուցում (ՄԿՈւ)-Համագործակցություն Հարավային Կովկասում» ծրագրի շրջանակում կազմակերպեց վարպետաց դաս «Կարա Սիլվեր» արծաթից պատրաստված հեղինակային աշխատանքների մասնագիտացված սրահ Գյումրու թիվ 4 արհեստագործական պետական ուսումնարանի «Ոսկերչություն» մասնագիտության ուսանողների համար։ Վարպետաց դասընթացը վարեց սրահի հիմնադիր, ոսկերիչ Կարա Ավետիսյանը։

Սրահը Հայաստանում արծաթից պատրաստված հեղինակային աշխատանքների միակ մասնագիտացված սրահն է` թանկարժեք և կիսաթանկարժեք քարերի, էմալի, կաշվի, ոսկորի, փայտի համադրությամբ:

Այցի նպատակն է խթանել երիտասարդների շրջանում ոլորտի նկատմամբ հետաքրքրությունը, ծանոթացնել մասնագիտական դժվարությունների, հնարավորությունների, մարտահրավերների, հեռանկարների և նրբությունների հետ։

by: Bep 0
2021/12/22

«ՄԵՂՎԱՊԱՀՈՒԹՅՈՒՆ ԵՎ ՄԵՂՎԱԲՈՒԾՈՒԹՅՈՒՆ»

Գերմանական ՄԿՈՒ-համագործակցություն Հարավային Կովկասում» ծրագրի շրջանակում, «Բիզնես և Կրթություն Գործընկերություն» Հիմնադրամի ու Ագրոբիզնեսի և գյուղի զարգացման կենտրոն (CARD) հիմնադրամի համագործակցությամբ կազմակերպվեց է «Մեղվապահություն և մեղվաբուծություն» վերնագրով դասընթացների շարքը։

 

Դասընթացները տեղի են ունեցել՝

  • Բերդի բազմագործառութային պետական քոլեջում,

  • Լոռու տարածաշրջանային պետական քոլեջում,

  • Գյումրու թիվ 4 արհեստագործական պետական ուսումնարանում,

  • Պրոֆեսոր Ա. Քալանթարի անվան պետական գյուղատնտեսական քոլեջում:

 

Դասընթացների նպատակն է խթանել երիտասարդների շրջանում ոլորտի նկատմամբ հետաքրքրությունը, հնարավորություն ստեղծել ծանոթանալու մեղրի ստացման ողջ գործընթացի, մեղվապահի մասնագիտության, աշխատանքի նրբությունների, ինչպես նաև վաճառքի մարքեթինգային առանձնահատկությունների հետ, նպաստելով «Աշակերտական/Ուսանողական Ընկերությունների» ստեղծմանը։

 

by: Bep 0
2021/12/22

ՏԵՍԱԿԱՆ ԵՎ ՊՐԱԿՏԻԿ ԴԱՍԸՆԹԱՑ ԼՈՒՍԱՆԿԱՐԻՉ ՍՈՒՐԵՆ ՄԱՆՎԵԼՅԱՆԻ ՀԵՏ

 

Self-education Platform/ինքնակրթման հարթակ ՀԿ-ը «Բիզնես և Կրթություն Գործընկերություն» հիմնադրամի հետ համատեղ սեպտեմբերի 11-ին կազմակերպեց տեսական և պրակտիկ դասընթաց Գյումրիում հայտնի լուսանկարիչ Սուրեն Մանվելյանի հետ։